ҚР ПІБ Медициналық орталығы ауруханасының базасында а.ж. 24-26 сәуір аралығында профессор Лина Бассель-Шалмон мен Израильдің жетекші онкологы Ашер Салмонның шақыруымен "Онкологиялық аурулар кезіндегі мутацияны диагностикалау үшін толықэкземалық секвенирлеуді қолдану" тақырыбында мастер-класс өткізіледі.
Профессор Лина Бассель-Шалмон Рабин медициналық орталығының Бейлинсон ауруханасының Генетика институтын басқарады. 12 жаңа генетикалық синдромды ашып, осы синдромдарға жауапты гендерді сипаттады. Беделді ғылыми журналдар профессор Бассельдің 100-ге жуық ғылыми жұмыстарын жариялады. 20-дан астам халықаралық ғылыми журналдарда рецензент болып табылады.
Білімі:
- Медицина докторы / Вильнюс университеті / Литва
- Университеттің медициналық мектебі / Тель-Авив
- Адам генетикасы кафедрасы / докторлық диссертация
- "ШНАЙДЕР" балалар орталығындағы педиатрия бойынша ординатура
- Рабин медициналық орталығындағы генетика бойынша ординатура
Халықаралық қауымдастықтарға мүшелік:
- Америкалық адам генетикасы қоғамы
- Еуропалық адам генетикасы қоғамы
- Израильдік медициналық генетиктер қоғамы
- Көптеген марапаттар мен жүлделердің иегері
Доктор Ашер Ешаяху Салмон - аға онколог, "Хадасса Эйн-Карем" университеттік клиникасы директорының орынбасары.
"Хадассте" осы басшылық қызметін атқарғанға дейін доктор Салмон Ашкелондағы Барзилай ауруханасы директорының орынбасары, ал оның алдында "Хадасса Эйн Керем"-дегі Шарет онкология институтының госпитализация бөлімшесінің меңгерушісі болды.
Д-р Салмон Хайфадағы "Технион" университетінде медициналық білім алды, кейін ол Лондондағы "Royal Marsden"онкологиялық ауруларды зерттеу және емдеу орталығында сүт безі обырының молекулалық генетикасын зерттеді.
Мамандандыруы:
- кеуде обыры
- эндокриндік ісіктер
- обырдың клиникалық генетикасы
- BRCA1/2 гендерінде мутация аясында сүт безі обырының генетикалық себептерін зерттеу
Доктор Салмон BRCA1 және BRCA2 гендерінде мутацияға арзан, әрі жылдам қан талдауын жасады — сүт безі мен аналық бездері обырының даму қаупі жоғары әйелдерді анықтау үшін скрининг. Бұл гендердегі мутациялар СБО-ның даму қаупін 8 есе арттырады. Актриса Анджелина Джоли өзінің тұқым қуалайтын тәуекелдерін бағалап, BRCA1 және BRCA2 гендерінде мутациялары бар сүт бездерін алып тастау туралы шешім қабылдады.
