ЖҮРЕГІҢІЗГЕ КҮН САЙЫН ҚАМҚОРЛЫҚ ЖАСАҢЫЗ
Бүкіл әлемде жүрек-қан тамырлары аурулары өлім-жітімнің басты себептерінің бірі болып қала береді. Дегенмен, ауру қаупін арттыратын – темекі шегу, аз қозғалу, дұрыс тамақтанбау, қан қысымының жоғары болуы, холестерин мен глюкоза деңгейінің жоғарылауы және артық салмақ сияқты көптеген факторларды бақылауға болады.
1. Көбірек қимылдаңыз
Тұрақты дене белсенділігі жүрек-қантамыр ауруларының қаупін төмендетеді. Жаяу көбірек жүріңіз, ұзақ уақыт отыруды азайтыңыз және өзіңізге қолайлы дене белсенділігін таңдаңыз.
2. Тамақтануыңызға мән беріңіз
Көкөністерді, жемістерді, бұршақ тұқымдастарды, тұтас дәнді өнімдерді, балықты және ақуызға бай басқа да пайдалы өнімдерді жиірек пайдаланыңыз. Тұзды, қантты және қаныққан майларды шамадан тыс тұтынуды шектеңіз.
3. Темекі шекпеңіз!
Темекіден бас тарту – жүрек пен қан тамырларын қорғау жолындағы маңызды қадам.
4. Қан қысымыңызды бақылап отырыңыз
Жоғары қан қысымы көбінесе ешқандай айқын белгілер тудырмайды. Оны тек жүйелі түрде өлшеу арқылы ғана анықтауға болады.
5. Көрсеткіштеріңізді қадағалаңыз
Әсіресе қауіп факторлары бар болса, қан қысымын, сондай-ақ глюкоза мен холестерин деңгейін мезгіл-мезгіл тексеріп тұрыңыз.
Есіңізде болсын: жүрегіңізге қамқорлық жасау – жылына тек бір күн ғана атқарылатын іс емес.
Бұл – деніңіздің саулығына әсер ететін күнделікті әдеттер.
