Бұл күннің мақсаты — темекінің зияны туралы еске салу және одан бас тартқысы келетін адамдарды қолдау.
Темекі шегу келесі аурулардың негізгі себептерінің бірі болып табылады:
- жүрек-қантамыр аурулары
- өкпенің созылмалы аурулары
- онкологиялық аурулар
Дүниежүзілік денсаулық сақтау ұйымының (ДДҰ) мәліметі бойынша, жыл сайын әлемде темекі тұтынудың салдарынан 8 миллионнан астам адам қайтыс болады.
Қазақстанда темекіге байланысты аурулардан жыл сайын шамамен 25 000 адам көз жұмады.
Сонымен қатар, елдегі ересек тұрғындардың шамамен 17,5%-ы темекі шегеді — бұл әрбір алтыншы адам.
Темекіден бас тартудың пайдасы:
- жалпы жағдайды жақсартады
- ауыр аурулардың қаупін төмендетеді
- өмір сапасы мен ұзақтығын арттырады
Ұзақ уақыт темекі шеккеннің өзінде, одан бас тарту алғашқы күндерден-ақ пайдасын тигізеді.
Темекіні қалай тастауға болады:
- Бас тарту күнін белгілеңіз және соны ұстаныңыз;
- Триггерлерден (кофе, стресс, темекі шегетін орта) аулақ болыңыз;
- Әдетті алмастырыңыз — серуен, су ішу, сағыз шайнау;
- Жақындардың қолдауы да мүмкіндікті арттырады;
- Дәрігерге жүгініңіз — қажет болған жағдайда арнайы препараттар немесе кеңес ұсынылады.
Денсаулығыңызды сақтаңыз — темекісіз өмірге бүгіннен бастап қадам жасаңыз.
