10 жылдан астам уақыт бойы жоғары деңгейдегі медициналық қызмет ұсынып келе жатқан ҚР ПІБ МО ауруханасының дәрігерлері инновациялық технологияларды қолдана отырып, күн сайын адам өміріне араша болады.
2022 жылы ашылған Аурухананың Ядролық медицина орталығы – қатерлі ісікті диагностикалауға арналған 7 бірдей радиофармпрепарат шығаратын Қазақстандағы жалғыз орталық.
Ауруханада Қазақстанда кездесе бермейтін, ең озық КТ және МРТ аппараттары қолданылады.
900-ден астам генетикалық тест жүргізілетін Дербестендірілген геномдық диагностика орталығы былтыр Қазақстанда алғашқы болып Даун синдромын жүктіліктің 10-аптасынан бастап 99% дәлдікпен анықтауға болатын тест енгізді.
Аурухана базасында тұрғындар үшін аса маңызды және сұранысқа ие дерттерді емдеуге арналған 10-ға жуық орталық жұмыс істейді. Атап айтсақ, еліміздің алдыңғы қатарлы спортшыларын емдеп, жарыстарға дайындайтын инновациялық Спорттық медицина орталығы, сирек кездесетін ауруларды емдейтін Аутоиммунды аурулар орталығы, жылына 300-ден астам науқастың табанын ампутациядан аман алып қалатын Диабеттік табан орталығы бар.
Емделушілердің сұранысына қарай 2022 жылы 213 төсектік жаңа корпус ашылды. Жаңа ғимаратта терапиялық бөлімшелерден басқа, сараптамалық сыныптағы ең жаңа медициналық техникамен жабдықталған үлкен Диагностикалық блок және Оңалту орталығы бар. Аурухананың 7.150 шаршы метр аумағын алып жатқан Қалпына келтіру емі және оңалту орталығының білікті мамандары жаңа батыс технологияларын пайдалана отырып жылына 220 мыңнан аса процедураны жасайды.
Медициналық туризмді дамытуға арналған «Health is Here» бағдарламасының арқасында ТМД елдерімен қатар, АҚШ, Қытай, Германия, Англия сынды алыс шетелден келген науқастар да осында ем алады.
Ел бойынша дәрігері ең көп медициналық мекеменің ең білікті деген ақ халаттылары былтыр Қазақстанның 14 облысын аралап, жергілікті тұрғындарға күрделі ота жасап, консультациялық-диагностикалық көмек көрсетті.
Айта кетейік, бүгін ҚР ПІБ МО ауруханасының жаңа ғимаратқа көшкеніне 10 жыл толып отыр және көктемнің соңына қарай тағы да екі нысанның ашылуы жоспарланған.
