Басты бет › Рентгенохирургия бөлімшесі

Рентгенохирургия бөлімшесі

Бөлімше туралы

Қазақстан Республикасы Президенті Іс басқармасы Медициналық орталығы ауруханасының рентгенхирургия бөлімшесі 2015 жылдың мамыр айында ашылып, өз қызметін бастады.

Рентгенхирургия бөлімшесінде тамырлардың рентгенэндоваскулярлық зерттеулері және қан тамырларының барлық дерлік бассейндерінде аз инвазивті операциялар жүргізіледі. Рентгенхирургиялық операциялық зал бүгінгі күннің ең заманауи медициналық техникасымен жабдықталған. Атап айтқанда, бұл – жасанды интеллект элементтері бар алгоритмдер негізінде жұмыс істейтін бағдарламалық көмекшілермен жабдықталған соңғы буындағы бірегей «Siemens Artis Icono» цифрлық ангиографиялық жүйесі. Аталған жүйе адам ағзасының барлық дерлік қан тамырларында жарақаты аз операциялар жасауға, интервенциялық кардиология, эндоваскулярлық нейрохирургия, ангиохирургия және аритмология бағыттары бойынша медициналық көмек көрсетуге мүмкіндік береді. Сонымен қатар кез келген ағзаны нақты уақыт режимінде зерттеп, оған белгілі бір аз инвазиялы хирургиялық араласулар жүргізуге мүмкіндік береді. Сондай-ақ стандартты және гибридті хирургиялық эндоваскулярлық араласуларды орындауға арналған «Siemens Artis Zee» және «Siemens Artis Zee Go» цифрлық ангиографиялық жүйелерімен жабдықталған. Бұл жабдықтардың бірегейлігі – олардың Қазақстан мен Орта Азия аумағында теңдесі жоқ.

ҚР ПІБ МОА рентгенхирургия бөлімшесінің жоғары білікті мамандары мен заманауи медициналық жабдықтардың арқасында аз жарақаттайтын бірегей операциялардың кең ауқымы орындалады. Бұл пациенттердің операциядан кейін қысқа мерзімде қалпына келуіне және өмір сапасының айтарлықтай жақсаруына мүмкіндік береді.

Рентгенхирургиялық емдеу әдістерін қолдану операциялық жарақатты барынша азайтуға, жалпы наркоздан және пациенттің жансақтау бөлімінде ұзақ уақыт болу қажеттілігінен бас тартуға, сондай-ақ сауығу үдерісін барынша жеделдетуге мүмкіндік береді. Осы артықшылықтардың барлығы аталған емдеу әдістерін 21 ғасыр медицинасы – «скальпельсіз хирургия» деп атауға толық негіз береді.

Біздің бөлімшенің басты ерекшеліктерінің бірі – бейінді бөлімшелермен тығыз ынтымақтастықта жұмыс істеуі. Рентгенхирург дәрігерлерінің басқа бейінді бөлімшелердің мамандарымен бірлескен жұмысы емдеу тәжірибесінде еуропалық сапа стандарттарына сәйкес келетін ең заманауи әдістерді қолдануға мүмкіндік береді.

Бөлімшеде көрсетілетін қызметтер

Бөлімшеде рентгенэндоваскулярлық хирургия әдістерін қолдану арқылы жүрек пен қан тамырларына жоспарлы және шұғыл диагностикалық әрі емдік араласулар, соның ішінде жедел коронарлық синдром кезінде де жүргізіледі.

Өз жұмысымызда әлемдік клиникалық ұсынымдардың, ғылыми әзірлемелер мен медицинаның соңғы үрдістерінің негізінде қалыптасқан заманауи білімді басшылыққа аламыз. Әлемнің жетекші өндірушілерінің жоғары сапалы заманауи құралдары мен материалдарын, соның ішінде дәрілік жабыны бар соңғы буындағы стенттер мен баллондарды қолданамыз.

  • Бөлімшенің қызметтері

  • Диагностикалық коронарография.

  • Жүрек қақпақшаларының аурулары, туа біткен жүрек ақаулары және өкпелік гипертензия кезінде жүрек қуыстарына диагностикалық катетеризация жүргізу.

  • Жедел коронарлық синдром кезінде де коронарлық артериялар мен шунттарға стенттеу жүргізу.

  • Стент имплантацияламай, дәрілік жабыны бар баллонды катетерлер арқылы коронарлық артерияларға ангиопластика жасау.

  • Коронарлық артериялардың созылмалы окклюзияларын реканализациялау.

  • Жүректің аорталық қақпақшасын транскатетерлік имплантациялау (TAVI).

  • Бас және мойын тамырларының ангиографиясы.

  • Ишемиялық инсульт қаупі туындаған жағдайда аорта доғасы тармақтарын, соның ішінде ішкі ұйқы артериясының бассүйектен тыс бөліктерін стенттеу.

  • Кеуде және құрсақ қолқасының диагностикалық аортографиясы.

  • Кеуде және құрсақ қолқасының аневризмалары кезінде эндопротездеу (стент-графт имплантациялау).

  • Әртүрлі қан тамырлары бассейндерінің ангиографиясы.

  • Құрсақ қолқасы тармақтарын стенттеу.

  • Аяқ артерияларын стенттеу.

  • Аяқ-қолдан айырылу қаупі бар, аяқ-қолдың критикалық ишемиясы және қант диабеті бар пациенттерде балтыр артерияларын реканализациялау және баллондық ангиопластика жүргізу.

  • Дәрі-дәрмекпен емдеуге көнбейтін тұрақты артериялық гипертензиясы бар пациенттерде бүйрек артерияларына эндоваскулярлық радиожиіліктік денервация жүргізу.

  • Веналық тромбоз кезінде тромбоэмболия қаупін азайту мақсатында тұрақты және уақытша кава-сүзгілерді имплантациялау.

  • Өт жолдарының жедел және созылмалы бітелуі кезінде тері арқылы бауырішілік жолмен сыртқы және ішкі өт жолдарын дренаждау.

  • Жүрекшеаралық қалқа ақауын эндоваскулярлық (тері арқылы) әдіспен жабу.

  • Жатыр миомасы және қан кетулері бар пациенттерге жатыр артерияларының эмболизациясын жүргізу.

  • Қуықасты безінің қатерсіз гиперплазиясы (аденомасы) бар пациенттерде қуықасты безі артерияларының эмболизациясын жүргізу.

Гибридтік операциялық залда орындалатын операциялар

Гибридтік операциялық залда гибридтік хирургиялық араласулар жүргізіледі. Олардың қатарына жүрек қақпақшаларын бір мезгілде протездеу және коронарлық артерияларды стенттеу, кеуде және құрсақ қолқасына стент-графт имплантациялау, сондай-ақ брахиоцефалдық тармақтарды транспозициялаумен бірге қолқа доғасын эндопротездеу жатады.

Коронарлық артерияларды стенттеу, аортокоронарлық және маммарокоронарлық шунттау операциялары, сондай-ақ жедел миокард инфарктісі бар пациенттерге хирургиялық араласулар жиі орындалады.

Неврологтармен бірлесіп, брахиоцефалдық тамырлардың бассүйектен тыс бөліктеріне, соның ішінде ішкі ұйқы артериясына стенттеу жүргізуге көрсетілімдер анықталады.

Аяқтың төменгі бөлігінің критикалық ишемиясы бар, сондай-ақ ауыр дәрежедегі қант диабеті салдарынан трофикалық өзгерістері дамыған пациенттерге эндоваскулярлық араласулар белсенді түрде жүргізіледі.

Кеуде және құрсақ қолқасының аневризмалары кезінде эндопротездеу, кардиостимуляторлардың әртүрлі үлгілерін, кардиовертер-дефибрилляторларды имплантациялау, сондай-ақ жүректің өткізгіш жолдарын радиожиіліктік термодеструкциялау процедуралары орындалады.

 

Бөлімше дәрігерлері

  • Землянский Александр Викторович
    Землянский Александр Викторович

    Бөлімше меңгерушісі

    Рентгенхирург дәрігер, интервенциялық кардиолог

    MD/MBA

    Жоғары санатты дәрігер

    Еңбек өтілі 15 жыл

  • Темірқұлов Мақсат Әлібекұлы
    Темірқұлов Мақсат Әлібекұлы

    Дәрігер интервенциялық кардиолог

    Жоғары санатты дәрігер

    Еңбек өтілі 29 жыл

  • Достанов Нұрбек Тоқтыбайұлы
    Достанов Нұрбек Тоқтыбайұлы

    Дәрігер интервенциялық кардиолог

    Еңбек өтілі 11 жыл

  • Жұлдызбай Бақдаулет Мұхидинұлы
    Жұлдызбай Бақдаулет Мұхидинұлы

    Дәрігер интервенциялық кардиолог

    Екінші санатты дәрігер

    Еңбек өтілі 7 жыл