Махфуда әл-Амриге әлемнің әр түрлі ауруханаларында, соның ішінде операция жасауға келген Президенттік клиникада да кеңес берді.
Біз Махфуда әл-Амримен оған операция жасағаннан кейін ғана таныстық. Палатада осы күндері оның күйеуі Саид қасында болды, ол біздің бас ақпаратшымыз болды. Махфуда ағылшын тілінде сөйлемейді, дегенмен, оның барлық эмоциялары мен сезімдері аударманы талап етпеді – әл Амри ханым операциядан кейін үшінші күні әзірше бөгде адамның көмегімен біртіндеп жүре бастады, бірақ өз бетінше жүру – уақыт пен оңалту мәселесі ғана, деді Саид әңгіме барысында, олардың Қазақстанда қалай болғанын да айтып өтті.
"Мен Қазақстанға алғаш рет досымның арқасында келдім - ол қазір Қазақстандағы Оман елшісі болып қызмет етеді. Өткен жылы, біз жұбайым екеуміз менің елші досыма қайтадан бардық. Сол кезде әйелім тізе ауруына шағымдана бастады. Бірақ біз мұны шындап қабылдаған жоқпыз: ауырсыну уақытша және ол уақыт өте келе кетеді деп ойладық. Бірақ кетуге бірнеше күн қалғанда біз дегенмен осында дәрігерге баруды шештік: біз Президенттік клиниканың докторы Асқар Баймұхаметовтың қабылдауына келдік. Оны елшінің өзі ұсынды".
Нәтижесінде тізедегі ауырсыну буынның зақымдануынан пайда болғаны анықталды. Президенттік клиниканың докторлары травматологиядағы ең аз жарақатты операциялардың бірі болып саналатын тізе буынының артроскопиясын өткізуді ұсынды. Бұл емшара буынды сақтауға және оны протездеудің мерзімін кейінге шегеруге көмектеседі.
"Буынды ауыстыруды талап етпейтін көптеген зақымданулар бар. Бұрын оларды анестезия әдісімен емдейтін еді. Буынның толықтай ауыстыруын, протездеуін, біз тек артроз кезінде жасаймыз (ескерт.авт. - буынның шеміршек тінінің зақымдануы). Бірақ буындық ерін, капсула, буындағы бос денелер сияқты жұмсақтіндік құрылымдар бар, оларды жай ғана алып тастауға болады және пациент алмастыруды қажет етпейтін болады" - деді ҚР ПІБ МОА докторы Асқар Баймұхаметов.
Мұндай операция кезінде хирургтар эндоскоптың бір түрі – артроскопты қолданады. Оны шағын тілік арқылы зақымданған аймаққа енгізеді, соның арқасында операциялық бригада хирургпен бірге іште не болып жатқанын бақылап, ашық араласусыз манипуляциялар жүргізе алады. Осы жолы болғандай, мұндай аз инвазивті операциялар пациенттерге операция салдарын оңай кешіруге көмектеседі.
"Бәрі керемет, - деп жауап берді Саид әл-Мамари біз оның жұбайының халін сұрағанда. - Сенсеңіз, біз жұбайымызбен бірталай ауруханаларға бардық, бірақ мұнда мүлдем басқа деңгей, бәрі мінсіз және кәсіпқойлардың бақылауында. Қызметкерлер білімді және пациенттерге қамқорлық жасайды. Бізде үй қызметкері бар, оған да оның сау екеніне көз жеткізу үшін Ауруханада медициналық тексеруден өтуге кеңес берді. Пациенттің айналасына назар аударатын, операциядан кейін оның жұқтырмауына қамқорлық жасайтын ауруханалар аз. Бұл жерде ол жайлы ойлайды және пациенттер ретінде бізге өте жағымды".
Оманнан келген пациент Махфуда әл-Амри біздің әңгімеден кейін төрт күннен соң ауруханадан шығарылды: қазір ол өз отанында, ауа райы қолайлы жағдайда біртіндеп сауығып келеді.
