Астана қаласының медициналық ұйымдар арасындағы спартакиадада жүзуден командалық 3-ші орынға ие болған әріптестеріміз Ғизатуллина Әлия Мұратқызы мен Жүнісбаев Аслан Асанұлын құттықтаймыз!
Айта кету керек, Аслан Асанұлы ерлер арасындағы сайыста бәрінен жылдам жүзіп мәреге бірінші болып жетті.
Астана қаласының медициналық ұйымдары арасындағы спартакиада Қазақстан Республикасының денсаулық сақтау саласын дамытудың 2016 - 2019 жылдарға арналған «Денсаулық» мемлекеттiк бағдарламасы шеңберінде өткізіледі, мақсаты:• бұқаралық спортты дамыту;
• халықтың көп бөлігін дене шынықтыру және спортпен жүйелі түрде айналысуға, денсаулықтарын нығайтуға, қызметшілердің жұмыс істеу қабілетін арттыруға және ауруларға шалдығуларын төмендетуге тарту;
• дене шынықтыру мен спорт арқылы салауатты өмір салтын бекіту;
• медициналық қызметкерлердің имиджін арттыру;
• 2015-2017 жылға арналған қалалық салалық келісімді жүзеге асыру.
