ҚР ПІБ МО ауруханасында әлемдік травматология мен ортопедиядағы ең озық технологиялардың бірі саналатын Mako роботтандырылған жүйесі қолданылатын ортопедиялық операциялар жасала бастады.
Mako роботы – роботтандырылған хирургия саласының жетекші жүйелерінің бірі. Ол АҚШ пен Еуропаның алдыңғы қатарлы клиникаларында қолданылады. Бүгінде осы жүйемен әлемде 1,5 миллионнан астам операция жасалған. Оның тиімділігі мен қауіпсіздігі 500-ден аса ғылыми зерттеу арқылы дәлелденген. Қазір Mako 45-тен астам елде орнатылған және ортопедиядағы ең жақсы зерттелген әрі сенімді технологиялардың бірі болып есептеледі.
Жаңа технологияның ең басты ерекшелігі – оның өте жоғары дәлдігінде. Операцияға дейін науқастың буынының жеке 3D-моделі жасалады. Ал хирург сол модельге сүйеніп, араласудың нақты жоспарын дайындайды. Операция барысында робот құралдың қозғалысын бақылап, хирургке әр қадамды мүмкіндігінше дәл және сенімді орындауға көмектеседі. Бұл импланттың қате қойылу қаупін азайтып, жұмсақ тіндерге түсетін қажетсіз салмақты төмендетеді. Нәтижесінде операциялар қауіпсіз өтеді, ал олардың нәтижелері тұрақты және біркелкі болады.
Әлемдік зерттеулер көрсеткендей, Mako жүйесі импланттарды дәл орнатуға, тіндерге аз зақым келтіруге, асқынулар мүмкіндігін азайтуға және науқастың тезірек сауығуына көмектеседі. Бұл ҚР ПІБ МО ауруханасының пациенттері үшін операциядан кейінгі кезеңнің жеңіл өтуі, қалыпты өмірге жылдам оралуы және емдеу сапасының жоғары болуын білдіреді.
Маңыздысы, Аурухананың травматолог-дәрігерлері арнайы оқытудан өтіп, қазір роботтандырылған жүйені қолдана отырып операция жүргізуде.
