Жыл сайын 10 қазан - Дүниежүзілік психикалық денсаулық күні 1992 жылдан бастап Дүниежүзілік психикалық денсаулық федерациясының бастамасымен психикалық денсаулық проблемалары мен оны нығайту жолдары, сондай-ақ психикалық бұзылулардың алдын алу және емдеу туралы халықтың хабардарлығын арттыру мақсатында әлемде атап өтіледі.
Ешқашан психикалық аурулармен бетпе-бет келмеу үшін оның салдарын емдеу емес, аурудың ықтимал басталуының алдын алу маңызды.
Психикалық денсаулық - адамның жалпы әл-ауқатының маңызды бөлігі. Уақытылы профилактика эмоциялық тепе-теңдікті сақтап, психологиялық бұзылыстардың алдын алуға көмектеседі.
Жалпы психологиялық мәселелер:
- Депрессия, белгілері - көңіл-күйдің төмендеуі, өмірге деген қызығушылықтың жоғалуы, тәбет пен ұйқының өзгеруі.
- Мазасыздық бұзылыстары, белгілері: үнемі мазасыздану, физикалық көріністер (жүрек қағысының жиілеуі, тершеңдік), кей жағдайлардан аулақ болу.
- Стресс, белгілері: ашушаңдық, шаршау, ұйқының бұзылуы; Себептері: жұмыс жүктемесінің көптігі, отбасылық жағдайлар, қаржылық қиындықтар.
Психологиялық проблемалардың алдын-алу дағдыларын дамытуды, өзіне-өзі көмек көрсетуді және қолдау іздеуді қамтиды.
- Психологиялық тұрақтылықты дамыту: Стрессті басқару әдістерін меңгеру (терең тыныс алу, визуализация, позитивті ойлау).
- Білім және хабардарлық: Психикалық денсаулық бойынша семинарлар мен тренингтерге қатысу. Психология мен өзін-өзі дамыту тақырыбындағы кітаптар мен мақалалар оқу.
- Дене белсенділігі: Спортпен тұрақты шұғылдану (йога, жүгіру, жүзу) эндорфиндердің түзілуі арқылы көңіл-күйдің жақсаруына ықпал етеді.
- Әлеуметтік қолдау: Жақындармен байланыста болу, қоғамдық іс-шараларға және қызығушылық топтарына қатысу.
Өзіне-өзі көмек көрсету әдістері:
- Зейінді жаттықтыру: Медитация, тыныс алу жаттығулары және зейінді шоғырландыру жаттығулары мазасыздық деңгейін төмендетуге көмектеседі.
- Эмоциялар күнделігін жүргізу: Өз сезімдеріңіз бен уайымдарыңызды жазу өзіңізді жақсы түсінуге және жағымсыз эмоциялармен күресуге көмектеседі.
- Босаңсу жаттығулары: Бұлшықеттерді кезекпен босаңсыту (прогрессивті релаксация) немесе жеңіл созылу - дене мен ойды тыныштандырады.
Есте сақтаңыз! Психоэмоционалды жағдайыңызға үнемі көңіл бөлу – психикалық денсаулықты сақтаудың кепілі және өмір сүру сапасын жақсартуға көмектеседі.
