ҚР ПІБ МО ауруханасында Қалпына келтіру емі және оңалту орталығының жанында Шығыс медицинасы орталығы жұмыс істейді.Мұнда инерефлексотерапия, су-джок терапиясы, оңқамен емдеу (вакуумдық терапия), оңқамен уқалау, моксотерапия, гирудотерапия қызметтері көрсетіледі.
Инерефлексотерапия – дәстүрлі қытай медицинасынан келген емдеу түрі. Белсенді нүктелер арқылы акупунктуралық инемен дененің негізгі өткізгіш және басқару жүйелеріне әсер етуге болады. Биологиялық белсенді нүктелер адам ағзасында мыңнан асатын тамыр мен жүйке ұштары ең көп аймақтарда орналасқан. Белгілі бір нүкте нақты дене мүшесімен және ағза жүйесімен байланысты.
Науқастың шағымы мен оның денсаулығын бағалау барысында ине әсер ететін нүктелер тобы анықталады, осылайша акупунктура нүктелерінің бірегей жиынтығымен әр науқасқа жеке емдеу тәсілі қолданылады.
Инемен емдеуге болатын аурулардың ауқымы өте кең. Атап айтсақ, тыныс алу жүйесінің, жүрек-қантамыр, ас қорыту және жүйке жүйесінің аурулары, бүйрек және қуық, құлақ, тамақ, мұрын, тері, буын аурулары, сонымен қатар, гинекологиялық және аллергологиялық аурулар емделеді.
