- Медициналық орталық ауруханасындағы Эпилептология орталығы аталған ауруды емдеудің толық циклын қамтиды, – дейді ҚР ПІБ Медициналық орталығы ауруханасының эпилептолог-дәрігері Жасұлан Өтебеков. – Біз кеңес беру, диагностика және зерттеу жұмыстарын жүргіземіз. Операция эпилепсияны емдеу үшін арнайы бөлінген квота бойынша жүргізіледі.
Орталықта аурудың алғашқы диагностикасы, хирургиялық алдын – ала зерттеу, хирургиялық емдеу, пациентті операциядан кейінгі емдеу, сондай-ақ зертханалық диагностика жүргізіледі. Яғни дәрігерлер эпилепсия ұстамасы бар пациент үшін белгілі бір препараттың тиімділігін тексереді.
Орталық мамандарынан құралған команда құрамында эпилептологтармен және нейрохирургтармен қатар функционалдық диагностика бөлімшесінің дәрігерлері, радиолог-дәрігерлер, неврологтар, клиникалық фармакологтар да бірлесе жұмыс істейді.
