Медициналық туризм, маркетинг және жарнама бөлімінің қызметкері Наргиз Зулхаш ғылым мен білімді дамытуға қосқан үлесі үшін «Үздік жас ғалым – 2022» медалімен наградталды.
Бұл іс-шара «Бөбек «Жалпыұлттық қозғалысы» қауымдастық нысанындағы заңды тұлғалар бірлестігінің қолдауымен өтті.
Жобаға ТМД елдерінен ғылым-білімнің дамуына орасан үлес қосқан үздік жас ғалымдар қатысты. Бұл жобаның басты мақсаты – жас ғалымдардың ең маңызды және инновациялық жобаларын жарыққа шығару, ғылыми мүдделерін жетілдіру, ғылымды дамыту үшін ортақ біріктіруші орта құру. Наргиз Зулхаш – Астана медицина университетінің докторанты.
Наргиз Зулхашты марапатымен шын ниетпен құттықтаймыз, оған ғылыми қызметінде табыс және қызықты жобалар тілейміз.
