Көрмеде Президенттік клиника мен «Минск облыстық клиникалық аурухана» меморандумға қол қойды. Енді Президенттік клиниканың қызметтері Минск клиникасында жарнамаланатын болады. Сондай-ақ, Триостайл (Минск, Беларусь) және Аджибадем түрік клиникасымен меморандумдарға қол қойылды. Тараптар өзара ынтымақтастық және тәжірибе алмасу туралы келісті.
Халықаралық воркшоп Алматыда алғаш рет өтіп отыр. Іс-шара Совмин базасында өтті. Көрмеге Грузия, Түркия, Иран, Әзірбайжан, Қырғызстан, Тәжікстан, Беларусь және Ресейден келген шетелдік және отандық клиникалардың, турагенттердің, сақтандыру, әуе және туристік компаниялардың жүзге жуық өкілдері қатысты.
