Түркістан қаласында дәрігерлеріміздің қатысуымен Онкологтар мен радиологтардың VIII съезі өтті

Қазақстанның онкологтары мен радиологтарының съезінің бағдарламасы қазіргі заманғы онкология мен радиологияның өзекті мәселелерінің кең ауқымын қамтыды. Съезге Франция, Испания, АҚШ, Түркия, Корея, Грузия, Ресей, Украина және ТМД елдерінің жетекші ғылыми және клиникалық орталықтарының ғалымдары мен тәжірибелі онколог-мамандары қатысты. Сондай-ақ, съезде Президенттік клиника директорының орынбасары Насрулла Шаназаров, Диагностика орталығының басшысы Айгүл Сәдуақасова, радиоизотопты диагностика дәрігері Фархад Баембаев сөз сөйледі. Оның барысында дәрігерлер бірқатар өзекті мәселелерді қозғап, емдеу әдістері туралы айтып өтті.