Аталған шеберлік-класс 3D-форматта визуализация жасайтын эндовидеоскопиялық жабдықты қолдана отырып, минималды-инвазиялық кардиохирургия бойынша өткізілді. Шеберлік-класс барысында үш науқасқа операция жасалды, оның екеуінде туа біткен жүрек ақауы, оған қоса қан тамырларының аномальды шығып кету ақауы болған. Үшінші науқасқа жүрек қақпақшасын протездеу жүргізілді.
Шеберлік-кластан кейін Ташкент қ. кардиология орталығының басшылығы жоғары технологиялық медициналық көмек саласындағы шеберлік-кластар сериясын жалғастыруға қызығушылық танытты. Келесі сапарларда практикалық медицина және ғылыми зерттеулер саласында әрі қарай ынтымақтастық құру туралы Меморандумға қол қою жоспарлануда.
