Мәтін: Статистика бойынша, әйелдердің 80%-ы 20 жастарында-ақ өздерін толық дені сау адам ретінде сезінбейді. Ал жиырма жастағы ерлердің 80% -ы өзін дені сап-сау деп санайды. Демек, әйелдер өз ауруларын асыра бағалайды, ал ерлер жеткілікті деңгейде бағаламайды. Тек 60-70 жасқа келгенде ерлер мен әйелдер өз денсаулығын теңдей бағалай бастайтын болады. Өкінішке орай, ерлердің емделу уақыттары өтіп жатады, себебі олардың «фирмалық» аурулары едәуір жасарып келеді. ҚР ПІБ Медициналық орталығы ауруханасының амбулаториялық урологиясы бұл аурулардың алдын алу үшін кемінде жылына бір рет маманның тексеруінен өтуді ұсынады.
