ҚР Президенті Іс басқармасы Медициналық орталығының ауруханасы елімізде 2020 жылдың 15 сәуіріне дейін төтенше жағдайдың енгізілуіне байланысты жаңа жағдайда жұмыс істейтін болады:
· Аурухананың барлық өткізу пункттерінде өткізу режимі қатаңдатылды;
· Ауруханада фильтр жұмысы күшейтілді: барлық кіргендер арнайы фильтр арқылы өтеді;
· 2020 жылғы 17 наурыз – 15 сәуір аралығында өңірлерден және ақылы негізде пациенттерді жоспарлы емдеуге жатқызу тоқтатылды;
· Пациенттерге кіруге тыйым салынады;
· Аурухана пациенттеріне сәлемдемелерді қабылдауға/беруге тыйым салынады;
· Қалпына келтіру емі және оңалту орталығының пациенттерге қызмет көрсетуі тоқтатылды (сумен-жылумен емдеу, косметология, Шығыс терапия орталығы, қалалық курорт);
· Емханада төтенше жағдай кезінде ақылы қызмет көрсету бөлімшесі жабылды;
· Стоматологиялық бөлімшеде жоспарлы қабылдау тоқтатылды;
· Төтенше жағдай кезінде буфет жұмысы тоқтатылды;
· Қызметкерлер үшін міндетті маска кию режимі енгізілді;
· Лифтілерді, баспалдақ аралықтарын, дәліздерді, дәретханаларды және т.б. көп реттік санитариялық тазалау, орынжайларды жиі желдету жүргізіледі;
· Кеңестер, жұмыс кездесулері, конференциялар, шеберлік-кластар өткізу, азаматтарды қабылдау шектеледі (онлайн - режимге ауыстырылды)
Президенттік клиника ҚР Денсаулық сақтау министрлігінің профилактика бойынша ұсыныстарын ұстануды ұсынады және төтенше жағдай кезінде Аурухана жұмысының жаңа ережелеріне түсіністікпен қарауды сұрайды.
